На 25 март 2025 година во свечена атмосфера и во присуство на претседателката на Покраинската влада Маја Гојковиќ и покраинскиот секретар за образование, прописи, управа и национални малцинства на АП Војводина Роберт Отот, беа потпишани и врачени договорите за финансирање на дејностите на 17 Национални совети на националните малцинства чиешто седиште се наоѓа на територија на АП Војводина .
Вкупно 80 милиони динари се издвоени за постојаните трошоци на националните совети, како и за трошоците на редовните активности – за програми и проекти од областа на образованието, културата, информирањето и службената употреба на јазикот и писмото на националното малцинство и за финансирање на работата на институциите, фондациите и компаниите, чии што е основач или соосновач, или чии што делумно или целосно се префрлени основачките права на Советот.
Претседателката на Владата Маја Гојковиќ истакна дека доделените средства се меѓу најдобрите показатели за целосно почитување на принципот за остварување на сите загарантирани права на националните малцинства во Република Србија и Автономната покраина Војводина.
Во однос на 2024 година, годинава од покраинскиот буџет за оваа намена се издвоени десет милиони динари повеќе.
