Манџа ТВ

Да ја зачуваме и негуваме нашата традиција. Да ги пренесуваме приказните од генерација на генерација. Приказните од нашето постоење. За она што ја прави суштината на нашето битисување, нашиот идентитет. Културата, фолклорот, храната се обележја кои не прават толку големи и горди.
Инспирација за рубриката Манџа ТВ е во разновидната традиционална храна, која е белег на нашата традиција и уште еден доказ за нашето богатство.
Современите текови на живеење длабоко испреплетени во старата и богата македонска традиција само уште повеќе ги јакнат сите елементи на една култура, која се темели на своите вековни обичаи. Така е и со македонската храна, со вкусните специјалитети и тајната на македонската кујна.
Приказните раскажани од нашите баби и мајки за тајните рецепти, за богатството на вкусови, за заедничките моменти на трпезата, нивната оригиналност и автентичност не поттикнаа и помогнаа успешно да ја пополнуваме рубриката.
Мудро чувани од нашите претци рецептите за тавче гравче, бакрдан, мазник, питулици, и што ли уште не, само дополнително го зголемија чувството на припадност на еден народ со толку многу богата традиција.

Back to top button