Во рамките на Документарниот филмски фестивал во Белград ,,Beldocs” во петок 12. мај, во Кино арт салата на Коларац од 18:30 часот, ќе се одржи меѓународна премиера на филмот ,,Беласица” во режија на Марија Апчевска, а во продукцијата беа вклучени кинематограферите Ѓорѓи Клинчаров и Фејми Даут, монтажерот Горан Вукич и дизајнерот на звук Игор Поповски.
Филмот го следи и го доловува богатото секојдневие на живеењето во заедница, за луѓето кои го поминале најголемиот дел од својот живот во институции, ги доловува придобивките на деинституционализацијата и ја открива моќта на заедницата да обезбеди сите да имаат еднакво право на едноставните работи кои нудат шанса за среќа.
Филмот е продуциран во рамките на проектот “Поддршка на модернизацијата и деинституционализацијата на социјалните услуги“, кој го реализира Ептиса во соработка со КАРЕ, со финансиска поддршка од Европската Унија, во корист на Министерството за труд и социјална политика на Република Македонија.
