![](https://makinfo.rs/wp-content/uploads/2024/05/IMG_3836-780x470.jpg)
Манифестацијата Денови на македонска култура во Белград „Допир на Македонија“ во својот трет ден беше продолжена со поетско-книжевна вечер со македонската писателка Славица Дабевска Ќировска. Настанот беше одржан во Педагошкиот музеј во Белград на 30.05.2024 година.
![](https://makinfo.rs/wp-content/uploads/2024/05/IMG_3843-1024x768.jpg)
Во рамките на своето претставување пред белградската публика писателката Дабевска Ќировска, покрај дел од своите поетски творби, ги промовираше своите два најпознати романи: Зелениот капут и Срна. Модератоката Искра Пенева, зборувајќи за делата на Дабевска Ќировска, истакна дека нејзините творби се често наградувани и нејзиниот придонес како член на друштвото на писателите на Македонија за македонската книжевност е несомнен.
![](https://makinfo.rs/wp-content/uploads/2024/05/IMG_3839-1-768x1024.jpg)
Поетско-книжевната вечер беше збогатена со учеството на гудачкиот ансамбл Версус, чии музички звуци ги разгалија срцата на присутната публика.
![](https://makinfo.rs/wp-content/uploads/2024/05/IMG_3837-1024x768.jpg)