Зарина Првасевда номинирана за награда на престижната церемонија Music Awards Ceremony (MAC)

Церемонијата на музички награди (Music Awards Ceremony – MAC), во организација на Skymusic, повторно ќе го собере кремот на регионалната музичка сцена со дводневна церемонија на доделување музички награди на 25 и 26 јануари во арената Штарк. Настапите на претставниците на елитната поп, алтернативната поп, рок, рап, светска и фолк музика резервирани се за првиот ден од манифестацијата, додека на вториот ден од церемонијата ќе настапат најголемите музички икони на трап, дрил и урбана поп музика.

Во рамките на категоријата WORLD MUSIC – светска музика номинирана е и Зарина Првасевда, која што неодамна имаше прилика да и се претстави на публиката во Србија, со нумерата ,,Мори моме Солуненке.”

Постапката за гласање е едноставна и се одвива преку официјалниот MAC YouTube канал, преку веб-страницата MAC и преку апликацијата e_finity. Гласањето започна на 20.12.2022 година и ќе трае до почетокот на настанот, 25 јануари. 2023 година (завршува од 24.1.2023 на полноќ). Секој гласач треба да го запрати официјалниот MAC канал на YouTube и да ја лајкне песната која што е номинирана во одредена категорија. Гласањето преку платформата YouTube заснована е на принципот еден лајк – еден глас.

За да ја видиме и слушниме повторно во Белград Зарина Првасевда, која што ја чува и негува македонската изворна традиционална песна, во ново современо руво, пријавете се и гласајте за нејзината песна ТУКА