На 22 март 2025 година во својата регионална канцеларија во Јабука, Националниот совет на македонското национално малцинство во Србија ја одржа својата 14-та редовна седница.
Седницата започна со едноминутно молчење во знак на почит кон трагично настраданите во ужасната трагедија во Кочани – Македонија.
Во рамките на прифатениот дневен ред, во плодна и суштинска дискусија, беа разгледани и едногласно усвоени позитивниот Ревизорски извештај и завршната финансиска сметка на Националниот совет за 2024 година и истовремено беше донесена одлука за доделување на благодарници на учесниците на конкурсот „Помеѓу две татковини“ кој беше распишан во чест на Борче Величковски.
