Претседателката на Македонскиот национален совет Зорица Митровиќ присуствуваше на свеченото врачување и потпишување на договорите за финансирање на дејностите на 17 Национални совети на национални малцинства, чиешто седиште се наоѓа на територија на АП Војводина. Врачувањето е организирано во свечена атмосфера и во присуство на претседателката на Покраинската влада Маја Гојковиќ и покраинскиот секретар за образование, прописи, управа и национални малцинства на АП Војводина Роберт Отот.
Вкупно 80 милиони динари се издвоени за постојаните трошоци на националните совети, како и
за трошоците на редовните активности – за програми и проекти од областа на образованието,
културата, информирањето и службената употреба на јазикот и писмото на националните
малцинства и за финансирање на работата на институциите, фондациите и претпријатијата, чии што основач или соосновач е Советот.
Претседателката на Владата Маја Гојковиќ истакна дека доделените средства се меѓу најдобрите
показатели за целосно почитување на принципот за остварување на сите загарантирани права на
националните малцинства во Република Србија и Автономната покраина Војводина.
Претседателката на Македонскиот национален совет Зорица Митровиќ истакна дека буџетот на Советот за 2025 година, од страна на АП Војводина е зголемен, иако веќе помина првиот квартал во кој што Советот функционираше без овој буџет. Изрази надеж дека сите планирани програми и проекти за 2025 година успешно ќе бидат реализирани.
