Денови на македонската култура во Вршац

Во организација на македонското здружение ,,Вардар” и Културниот центар во Вршац, во галеријата на Домот на војската, свечено е отворена изложбата на слики на ликовната уметница Елизабета Георгиева Јордановски, која што живее и работи во Белград. Таа е наивен сликар кој работи традиционални мотиви, инспирирана од македонскиот фолклор во кој доминира фигуративното сликарство збогатено со декоративност и орнаментика.

• Исполнети со носталгичност и мотиви од македонската традиција сликите оставаат впечаток на модерни ликовни решенија поради наивниот и свеж сликарски наратив со експресионистички потези. На тој начин сликата се анимира со стилизирани елегантни и лирични фигури збогатени со орнаменти и живи бои. Сликите се исполнети со слобода, радост, мистичност и љубов и ги повикуваме сите љубители на уметноста да ја видат и почуствуваат оваа изложба во наредните неколку дена – истакнаа организаторите.

Изложбата ја отвори директорот на Културниот центар на Вршац Давор Стојковиќ, како и членовите на здружението ,,Вардар” од Вршац Ленка Стојановиќ и Дарко Ристески.

Во уметничка програма се претстави пејачката група Исток 10, во помал состав, со македонски песни и членови на здружението со поезија на македонски автори.

Изложба ке биде отворена во текот на јули месец како дел на манифестацијаta “Вршачко културно лето”