Во најновата радио емисија Македониум имате прилика да слушнете за следните теми:
- Културниот центар Вршац потпиша спогодби за работно-техничка соработка со Националниот совет на македонската национална заедница и новинско-издавачката установа Македонски информативен и издавачки центар.
- Преку воннаставни активности пораките од документарниот филм „Медена земја“ кој во 2020 година се натпреваруваше за оскар, се пренесуваат на учениците на возраст од 10 до 14 години.
- Софија Куновска по голема пауза се враќа на театрската сцена.
- Денеска ќе бидат презентирани податоците од пописот на населението, домаќинствата и становите во Република Северна Македонија, кој беше спроведен од 5-ти до 30-ти септември минатата година.
- Конфликтот во Украина и сè погласните меѓународни пораки за можно дестабилизирање на Балканот повторно го вратија Балканот во фокусот на Брисел.
Емисијата се емитува премиерно секоја среда со почеток во 14:30 часот на Третата програма на Радио Нови Сад (РТВ Војводина). Автор и водител е Јулијана Милутиновиќ.
