Во најновото издание на емисијата „Македоснко сонце„ која беше премијерно емитувана во недела (23.01) имавме прилика да уживаме во разговори за уметноста.
Ни се претстави Синиша Новески, скулптор и магистер на ликовната уметност кои живее и твори во Белград а по потекло е од, како и самиот истакнува, срцето на Македонија – Македонски брод.
- Тоа едно толку убаво градче каде што сите сакаат што побрзо да си зимант од градот, а после сите плачат оти им недостига нивното родно место. Носам многу убави спомени од мојот роден крај, каде поминав едно прекрасно детство и многу, многу ми недостига. Македонски брод најмногу влијаеше на мојата инспирација подоцна во моите скулпури – истакна Новески.
Познатиот и признатиот светски и европски скулптор, од чии раце се роди и скулптурата „Мајка Македонија„ во разговорот откри како и зошто за својот престој го одбра Белград.
- Кон Белград ме влечеше љубов кон југословенските филмови. Се во Белград ми делуваше како делови од некаков филм. Ете, сега живеам во Белград и го живеам својот вистински филм. Белград е одличен град за еден уметник, оти уметникот, ако сака, можи многу да научи – преку дружења, атељеа, колеги, изложби, музеи. Задоволство и чест ми е што живеам во Белград и што во него можам да ја презентирам и македонската култура преко моите скулптури – изјави Синиша Новески.
Новески во продолжението ги откри и своите желби и планови за иднината, на кои веќе почна вредно да работи.
- Една од моите желби е да направам една куќа, легат, каде што ќе се наоѓаат сите мои скулптури, што ќе биде и еден вид на културното наследство што ќе го оставам на Мекедонија и Македонски брод. Неколку изложби сакам да направам за македонската дијаспора, во Франција и Америка, анајмногу сакам да направам во Македонија затоа што голем период, можеби дваесет години се немам претставено со моја самостојна изложба во Скопје – заклучи Новески.
Интервјуто го водеше Александра Милошевска Масл, новата членка на редакцијата, а во проделжението на емисијата можевте да ја проследите репортажата посветена на манифестацијата по повод на прогласувањето на Нови сад за европската престолнина на културата за 2022 година. На отворањето присуствуваше и сегашната министерка за култура и информирање Маја Гојковиќ.
Потоа, можете да уживате во прекрасниот спот за песната „Јано мори„ кој што го продуцираше здружението МАК ИНФО, а во изведба на младиот, перспективен музичар Горан Милошев.
Емисијата се емитува премиерно секоја недела од 18 часот на втората програма на РТ Војводина. Уредник на емисијата е Златко Јанкуловски.
