Националниот совет на македонското национално малцинство денес ја започна својата кампања со цел да ги охрабри сите припадници на македонската заедница и граѓани во Србија да се изјаснат слободно за својата национална припадност.
Тоа го истакна претседателот на Советот, Борче Величковски, во видео обраќање до заедницата.
Покренати се и Фејсбук и Инстаграм страници „Каде и да сме, да знаеме кои сме“, на кои што ќе се спроведува македонската кампања за Пописот.
Граѓаните, домаќинствата и имотите ќе се попишуваат во Србија од 1 до 31 октомври. Резултатите од пописот се важни за македонската национална заедница во Србија, бидејќи бројноста е еден од основните услови за обезбедување, спроведување и унапредување на правата на Македонците во Србија.
Сите информации во врска со пописот можете да ги видите на следниот линк: https://popis2022.stat.gov.rs/
