Повик за млади македонски ликовни уметници од регионот за учество во Денови на македонската култура во Белград 2024
Здружението МАКЕДОНИУМ од Белград ги повикува младите македонски ликовни уметници од Македонија и регионот до 40 години старост, да се пријават на конкурсот за излагање во 2024 година, отворен од страна на Домот на младина во Белград, и на тој начин, доколку бидат одбрани, учествуваат во манифестацијата Денови на македонската култура во Белград ,,Допир на Македонија”.
Конкурсниот материјал треба да ги содржи следните информации:
– Податоци за излагачот/излагачите: име и презиме, адреса на е-пошта, телефонски број и биографија;
– Опис на изложбениот проект;
– Техничка спецификација на изложбениот проект;
– Визуелна презентација на изложбениот проект.
Конкурсот е отворен до 1 октомври 2023 година, а резултатите ќе бидат објавени еден месец покасно.
Се повикуваат сите заинтересирани, пред да конкурираат да се обратат на здружението на меил адреса makedonium.belgrad@gmail.com поради договор и добивање на препорака за учество во манифестацијата Денови на македонската култура во Белград 2024 година.
Поопширни информации за условите на конкурсот на страната на Домот на младина во Белград www.domomladine.org
