Истакнатиот џез пијанист Васил Хаџиманов како солист синоќа одржа концерт со ансамблот РТС Биг Бенд во големата сала на заводот Коларац и со тоа прослави значаен јубилеј – 30 години кариера.
Концертот е насловен „Can You Dig it? според истоимениот албум на Васил (2013) со цел да се реализира на 21 јуни, кога се одбележува Светскиот ден на музиката.
Својот голем јубилеј – 75 години постоење го прослави и Биг Бендот на РТС, а целиот ансамбл ја претстави воведната нумера без Хаџиманов, чие доаѓање се чекаше.
- Голема чест е да се свири со вакви прекрасни музичари, тоа е вистинско искуство. Ова вечерва е она што човек може само да го посака во животот. Одамна бев солист на ваков сличен концерт, но со Биг Бендот на РТС е многу посебно и неспоредливо искуство – зборуваше Васил инспирирано и возбудено.
Програмата се состоеше главно од авторска музика на Васил Хаџиманов, која за оваа пригода беше премиерно изведена во сосема нови аранжмани, како мошне динамично патување низ кариерата долга три децении.
- На концертот вечерва славиме два јубилеи, мојата 30-та и 75-та година од Биг Бенд. Всушност, се бавам со музика нешто повеќе од 30 години. Но, на 17 години веќе настапував со Бисера Велетанлиќ, сцената ја делев и со Војин Малиша Драшкоци. Така да малку скративме за да биде ете 30 години јубилеј, заокруживме – нагласи Васил.
Васил потоа сам го отсвири своето ремек дело „Балада за Марта“, без придружба на Биг Бендот, посветено на неговата ќерка, многу талентираната пејачка Марта Хаџиманов, со која често настапува во тандем.
Иако обично не комуницира премногу со публиката на своите самостојни концерти, овој пат сето тоа го надополни, и убаво му легна улогата на водител, раскажувач и водич низ неговиот значителен опус.
Публиката уживаше во динамичните композиции за време на речиси двочасовниот концерт.
На крајот на концертот, Васил ги покани членовите на неговиот матичен бенд „Васил Хаџиманов бенд“ и ги пофали „дека не е лесно да се издржат 26 години во оваа земја свири само изворна фјужн џез музика“.
Во публиката беше и Бисера Велетанлиќ, џез и поп ѕвезда од поранешна Југославија, тетка на уметникот, која на самиот крај од настапот го прегрна Васил.
