![](https://makinfo.rs/wp-content/uploads/2024/05/2-780x470.jpg)
![](https://makinfo.rs/wp-content/uploads/2024/05/445366013_856857286486946_5201360320225465117_n-768x1024.jpg)
На 24- ти мај се чествуваше Денот на македонските и сесловенските просветители и учители, светите браќа Кирил и Методиј. Во истоимениот парк во Белград, Националниот совет на македонската национална заедница во Србија, македонската Амбасада во Србија, здружението на Македонците од Белград – Македониум и претставници на други Амбасади, Мисии на меѓународни организации и други здруженија, положија свежо цвеќе на споменикот, дело на скулпторот Томе Серафимовски.
![](https://makinfo.rs/wp-content/uploads/2024/05/3-1024x768.jpg)
„Со своето дело, св. Кирил и Методиј вечно ги задолжија сите словенски народи и воопшто европската и светската култура и цивилизација. Она за што тие се залагаа и напорно работеа, уште во средниот век – рамноправност на јазиците и народите и еднаков пристап до образованието и науката, за сите се основни постулати врз кои денес почива меѓународниот поредок и човечката цивилизација.
![](https://makinfo.rs/wp-content/uploads/2024/05/2-1-768x1024.jpg)
Нивниот светол пример и понатаму е потребно да ни биде поткрепа да се истрае во зачувувањето на македонскиот национален, јазичен и културен идентитет.
Нека е за многу години големиот празник, вечна слава на св. Кирил и Методиј“ – порачаа од Националниот совет на македонската национална заедница во Србија.
![](https://makinfo.rs/wp-content/uploads/2024/05/4-1-1024x768.jpg)