За учениците во основното училиште Гоце Делчев од Јабука, кој што го изучуваат Македонскиот јазик со елементи на националната култура, покрај шаховската одржани се и две ликовни и една музичка работилница.
Со сликарката Елизабета Јорданоски изработувани се цртежи за календарот на Советот за 2025 година, како и цртежи со национални елементи за изложбата по повод одбележувањето на Денот на Советот.
Преку учеството во ваква работилница, децата не само што ги развиваат своите уметнички способности, туку и учат важни животни вештини како што се концентрација, тимска работа, и изразување на емоции преку уметност. Ликовните работилници не се само забавни, туку и образовни, бидејќи ја поттикнуваат љубовта кон уметноста и помагаат во развојот на креативното размислување, истакна сликарката Јорданоски.
Музичката работилница одржана е исто така во рамките на часовите по македонски јазик во Јабука, со реномираната виолинистка Вероника Мона Богиќ. Во рамките на музичката работилница за деца, учесниците имаа уникатна прилика да се запознаат со основите на музичката уметност и да се опробаат во свирењето на виолина. Преку забавни и интерактивни активности, малите музичари имаа шанса да експериментираат со создавање на различни звуци и да се чувствуваат како вистински музичари, создавајќи пријатна и инспиративна атмосфера.
Модераторката на работилниците Искра Пенева истакна дека тие се дел од иницијативата донесена на Одборот за образование на Националниот совет, и истакна желба во наредната година да бидат реализирани во сите училишта во кој што се учи Македонскиот јазик.
