Средба на претставници на Националниот совет на МНЗ со претседателот на Македонската алијанса за европска интеграција во Албанија
![](https://makinfo.rs/wp-content/uploads/2024/06/IMG_3943-780x470.jpg)
Делегација од Националниот совет на македонската национална заедница во Србија составена од претседателката Зорица Митровиќ, претседателот на Извршниот одбор Благоја Соколовски и секретарот Марјан Јованоски оствари средба со Претседателот на Македонската алијанса за европска интеграција во Албанија Васил Стерјовски. Средба се одржа во Јабука на 08 јуни 2024 година, а истата беше искористена од страна на Васил Стерјовски, во име на Македонците од Албанија, да положи свежо цвеќе на бистата на Гоце Делчев во дворот на училиштето “Гоце Делчев”.
![](https://makinfo.rs/wp-content/uploads/2024/06/KYBG5812-768x1024.jpg)
Во рамките на средбата претставниците на Националниот совет ја искористиле можноста да го запознаат гостинот со положбата и правата на Македонците во Србија, начинот на функционирање на Советот, но и со предизвиците со кои се соочува македонската национална заедница.
![](https://makinfo.rs/wp-content/uploads/2024/06/HWJB4910-1024x768.jpg)
На средбата се разговарало и за можностите за соработка во иднина.
![](https://makinfo.rs/wp-content/uploads/2024/06/VYMD0838-1024x478.jpg)