На осмата по ред Стиховизија, на која што учествуваат ученици од средните училишта во Панчево Марија Младеновска од Јабука го освои првото место во првата подкатегорија – рецитирање на поезија на јазиците на националните малцинства. Марија рецитираше на македонски јазик, а ја изрецитира најпознатата македонска песна ,,Македонско девојче”. Во оваа категорија се натпреваруваа уште неколку ученици, меѓу кои и Сташа Спасов, која рецитираше на македонски.
На натпреварот учествуваа вкупно 35 ученици, кои се натпреваруваа во рецитирање на странски јазици, додека од оваа година е воведена и нова категорија Стиховизија – Сликовизија – ликовен конкурс на тема илустрација на песна на странски јазик.
