20 ГОДИНИ НА НАЦИОНАЛНИОТ СОВЕТ - СЛУЖБЕНА УПОТРЕБА НА ЈАЗИКОТ И ПИСМОТО

До распаѓањето на Југославија македонскиот јазик и неговото писмо беа во службена употреба само во Општината Панчево каде е укинат во 1991 година со Статутот на Општина Панчево,

Со основањето на Националниот совет, започната е иницијатива за враќање на јазикот и македонското кирилско писмо во службена употреба. 2008 година, со донесување на Статутот на градот Панчево, македонскиот јазик воведен е во службена употреба во населеното место Јабука.

На иницијатива на Националниот совет, преточена во предлог за промена на Статутот на општината Пландиште, македонскиот јазик е воведен во службена употреба на територијата на целата општина, која што брои 15 населени места. Со оваа одлука, Македонскиот јазик стана дел и од Европската повелба на регионални и малцински јазици.

Во 2018 година, се стекнаа услови Македонскиот јазик да се воведе во службена употреба и во населеното место Качарево.