Во Архивот на Војводина во Нови Сад на 12 февруари 2026 година, успешно беше одржано јавното претставување на Стратегијата на Македонскиот национален совет за периодот 2026–2031 година.
Настанот го отвори и го модерираше секретарот на Советот, Марјан Јованоски. Присутните ги поздрави директорот на Архив Војводине, др Небојша Кузмановиќ, како и амбасадорот на Македонија во Србија, др Никола Тупанчески.
Вовед во Стратегијата даде Марјан Јованоски, а четирите области на делување – образованието, културата, информирањето и службената употреба на јазикот – ги претстави претседателката на Советот, Зорица Митровиќ.
Со поздравни обраќања на настанот се обратија и министерот за човекови и малцински права и општествен дијалог Демо Бериша, како и поранешниот претседател на Република Македонија др. Ѓорѓе Иванов.
Стратегијата 2026–2031 претставува клучен документ за унапредување на положбата и институционалното јакнење на македонската национална заедница во Република Србија во наредниот петгодишен период.
