Националниот совет на македонското национално малцинство во Република Србија со почит го одбележува денот посветен на нашиот најголем учител и просветител Свети Климент Охридски-основоположник на словенската писменост и чувар на духовните вредности на македонскиот народ.
Оддавајќи почит на неговото наследство, се потсетуваме на значењето на образованието, културата, јазикот и идентитетот – темели кои го определуваат континуитетот и на нашата македонска заедница во Србија и ја зацврстуваат врската меѓу генерациите.
Делото на Свети Климент и понатаму ни е патоказ и водилка во зачувувањето и унапредувањето на македонскиот јазик, култура и идентитет.
Нека ни е честит празникот на македонската писменост, култура и духовност!
За многу години и честит Свети Климент Охридски!
