Реализирани информативни работилници за членовите на Националните совети на националните малцинства по повод претстојниот Попис на населението
Под слоганите „Сите ние заедно ја сочинуваме Србија“ и „Слободно изјасни се за својата национална припадност!“, Министерството за човекови и малцински права и општествен дијалог, во соработка со Републичкиот завод за статистика, организираше информативни работилници за членовите на сите 23 национални совети, по повод претстојниот Попис што ќе се одржи во периодот од 1 до 31 октомври оваа година.
Целта на работилниците е учесниците стекнатото знаење да го пренесат на другите членови на националните совети, членови на одборите, но и здруженијата кои се занимаваат со зачувување и заштита на правата на националните малцинства, како и на што е можно повеќе припадници на националните заедници.
По повод претстојниот Попис на населението, Министерството за човекови и малцински права, во соработка со националните совети и Републичкиот завод за статистика, започна кампања за информирање и подигање на свеста на припадниците на националните малцинства за слободно декларирање на националноста на пописот. Целта на кампањата е да се испрати јасна порака дека е важно припадниците на националните малцинства да се изјаснат за својата националност и дека овие податоци се целосно заштитени, како и дека понатамошниот развој и планирање на малцинските политики во Република Србија зависат од резултатите од Пописот. Покрај информативните работилници, како дел од кампањата ќе се подготви и печатен материјал во форма на флаери и постери, како и медиумска кампања која вклучува видео клипови и радио џинглови на јазиците на националните малцинства, рече министерката Гордана Чомиќ. .
