На 31 јануари 2025 година – Денот на Градот Врање, градоначалникот д-р Слободан Миленковиќ, на делегацијата на Македонското здружение за Пчињскиот округ “ГоцеДелчев” во Врање им го врачи највисокото градско признание ”Јавнопризнание – 31 јануари” за постигнати исклучителни резултати во областа на културата и информирањето.
Претходно, Одлуката за доделување на највисокото градско признание ја донесе Собранието на Град Врање на седницата одржана на 28 јануари годинава.
– Ова признание е израз на меѓусебното почитување и доверба, како и соработка и негување на добрите односи помеѓу Српскиот народ и Македонскиот народ. Нашиот придонес во општествениот и јавен живот на Град Врање покажува дека заедно и обединети, во заедништво и преку почитување на различностите, културите и традициите, можеме на граѓаните да им обезбедиме подобра и посигурна иднина. Цврсто сме убедени дека соживотот, толеранцијата и пријателството ќе останат вредности водилки за остварување на нашите хумани цели. Ова е клучна можност за нас Македонците да го покажеме нашето богато културно-историско наследство, нашето присуство да биде препознаено. Да се обединиме и да му покажеме на Србија и светот дека сме горди Македонци иако живееме во Врање, Србија! Охрабрете ги пријателите и семејствата да оставиме белег во историјата! – истакна претседателот на Собранието на на Македонското здруение Гоце Делчев од Врање, Пецо Ристески.
Цитираји ја познатата реченица на Гоце Делчев, великанот на македонското револуционерно движење, кој рекол “Светот го разбирам како поле за културен натпревар помеѓу народите”, Пецо Ристески јавно се заблагодари на довербата на градот Врање кој ги почитува Македонците, а покрај финансиската поддршка за определени проектни активности, додели и простор без надомест за македонското катче во Врање. Македонското здружение за Пчињскиот округ “ГоцеДелчев” е единствено во Србија кое го има решено просторното прашање благодарение на Градот Врање
Признанието од градоначалникот го прими делегација на Македонското здружение за Пчињскиот округ “ГоцеДелчев” во состав: Соња Величковиќ, претседателка на Извршниот одбор и Пецо Ристески претседател на Собранието, придружувани од Драгутин Димчевски, потпреседател на Македонскиот национален совет во Србија.
