Во Храмот Свети Сава во Белград, Неговата Светост Патријархот српски Порфириј на 21 март 2025 година, одржа молитва за младите момчиња и девојки повредени во стравичниот пожар во Кочани, а кои се на лекување во Белград и Ниш.
На богослужбата присуствуваа и нивните семејства, како и голем број на припадници на македонската заедница во Белград како поддршка на семејствата на повредените.
Патријархот после одржаната литургија, им пријде и ги прегрна, давајќи им утеха и благослов да ги издржат нивните маки, посакувајќи тие и нивните деца здрави да го дочекаат Велигден.
