Овогодинешната манифестација ,,Купусијада” во Глогоњ се одржа во недела, 30 октомври, на платото пред црквата, со голем број на учесници од сите места од Јужен Банат. Значителен придонес на манифестацијата даде и здруженијето на жени ,,Глогоњки” кое што организираше повеке натпревари во рамките на манифестацијата.
На натпреварот во подготовка на пити со зелка, учествуваа и Македонките од Јабука, членки на здружението ,,Илинден”, кои во оваа прилика го освоија високото трето место. Учесниците се натпреваруваа и во најдобро украсен и најбогат штанд, а подготвени се и разни други специјалитети од зелка.
