На 17 март 2025 година во Суботица, беше одржана Координација на Националните совети на националните малцинства во Република Србија, со која претседава Хрватскиот национален совет. Заедничката позиција и потребите на сите национални малцинства, како и финансирањето на националните совети во Србија, беа главните точки на состанокот на Координацијата, на кој присуствуваа 16 од вкупно 24 совети.
Што се однесува до финансиите, Координацијата дојде до заклучок дека средствата што Србија ги издвојува во моментов не се доволни за функционирање во полн капацитет на Националните совети и дека три четвртини од советите имаат поголеми потреби од оние кои се овозможуваат со обезбедената висина на средства и овие услови за работа. Во таа насока, како пример беше напоменато дека четири совети немаат ниту едно стручно вработено лице.
Советите се согласија да се упати апел до државата за поголемо издвојување на финансиски средства, со цел непречено и суштинско функционирање на Советите во доверените области на работа: образованието, службената употреба на јазикот и писмото, информирањето и културата.
Пред почетокот на состанокот, со едноминутно молчење беше оддадена почит на настраданите во ужасната трагедија во Македонија.
