Манифестацијата Денови на македонскиот филм организирана од страна на македонското здружение во Белград Македониум, посветена на омаж на големиот македонски актер Мето Јовановски, се одржа на 16-17 декември 2024 година во Арт киното на задужбината Коларац во Белград.
Пред белградската публика беа прикажани четири филмови во кои главна улога игра Мето Јованоски. Концептот предвидуваше приказ на два краткометражни и два долгометражни филмови. Беа прикажани: Последните камбани, Крај на светот, Среќна Нова ’49 и Ругање со Христос.
Зборувајќи за достигнувањата на Мето Јовановски и истовремено нагласувајќи ја важноста на манифестација за негувањето и промоцијата на македонската култура, настанот го поздравија Амбасадорот на Македонија во Србија Никола Тупанчевски, актерите Радош Бајиќ и Владо Јовановски како и режисерот Јани Бојаџи.
